මරණය සැපකි දෙපයින් සිට නොවී කුද

හිතවත් ලග පාත අය දැක ගොරවන වා 
නින්දිත පහත ලෙස ගරහා එළවන වා 
නුපුරුදු මුහුණු අවි දැක වැද වැලපෙන වා 
පන නල රැකීමට දෙපතුල් ලෙවකන වා 

අවිහිංසක දුගී දුප්පත් අය අතර 
මහ පුරුෂයින් විරුවන් මෙන් වෙයි නිතර 
බොරු සිංහයින් උඩු බුරලන සියළු වර 
අවිගත් සොරුන් දැක වෙයි පනුවෙකු විතර 

බියගුළු නිවටයින් ජිවත් උනාවේ 
යුක්තිය මැකී අවනඩු මතු උනාවේ 
බොරුවෙන් මායමෙන් ලොව රැව ටුනාවේ 
ඇත්තට ගරු කරන උන් මිය ගියාවේ 

පන නල රැකීමට තවකෙකු දෙපා  වැද 

කුමටද නිවට බියගුළු ලෙස රැකි  අද 

සදාකල්ම අප පන නල රැකෙ  විද 

මරණය සැපකි දෙපයින් සිට නොවී  කුද 

මම
සුළග 

ප.ලි - 

ඇත්ත කතා කලොත් මරණය .. එහෙත් ජිවත් වීමට වඩා එම මරණය උතුම්ය ..